Fréttir frá 2005
 
Desember  2005:
Nýtt þjóðskrárár er hafið, 1. desember er nýársdagur Þjóðskrár ! 
Nú styttist í að við fáum til okkar nýja heildarþjóðskrá frá Hagstofu og heildarfyrirtækjaskrá frá RSK.
Öll fyrirtæki sem eru að taka skrárnar frá okkur í Ferli fá nánari lýsingar á þessu til sín á næstunni.

 
Jólatilboðin gilda til 16. desember 
Nú styttist í  að jólatilboðin renni sitt skeið á enda en þann 17. desember eru síðustu möguleikar fyrir okkur í Ferli að panta hugbúnað með sérstökum jólaafslætti frá ASNA annars vegar og Sosy hins vegar.
ASNA býður 20% afslátt á öllum hugbúnaði eins og DataGate, Visual RPG.net og fleiri kerfum.
Einnig býður Ferli og Sosy 15 % afslátt á öllum Robot/CONSOLE, Robot/ALERT og Robot/SCHEDULE kerfunum, en með þeim er hægt að auðvelda verulega allan rekstur á iSeries vélunum.
Við hvetjum nú alla til að bíða ekki fram á síðasta dag.....

Nóvember  2005:
Bílasýn í gang hjá Suzukibílum og Bernhard.
Nú hafa Suzukibílar bæst í hópinn og eru komnir með nýjustu útgáfuna af Bílasýn og taka þar með Strategi veflausnina ásamt Datagate og Visual RPG forritum sem sjá um XML-tengingar við Bílgreinasambandið og Ekjuna og auðveldar skráningu inn í kerfið til muna.
Með þessum lausnum geta umboðin sent gögn í bílavef Morgunblaðsins sem nýlega var tekinn í notkun.
Næst kemur Bernhard inn í hópinn og klárast uppsetning þar í byrjun desember.  

Október 2005:

Ferli á umboðsmannafundi hjá ASNA. 
Við hjá Ferli fórum til Guildford í Bretlandi, en þar eru aðalstöðvar ASNA í Evrópu.
Þar hittust allir umboðsaðilar ASNA í Evrópu ásamt forstjórum frá aðalskrifstofunni í Texas í Bandaríkjunum.
Mikið er framundan,  nýjar útgáfur af forritunarmálinu Visual RPG (4.1) og einnig af Visual RPG.net (7.2) ásamt nýrri útgáfu af Monarch, en með því eru gömlu "grænu" RPG forritin, skrárnar og prentlistar  færð yfir sjálfkrafa í Visual RPG.net forrit.

Umboðsmannahópurinn hjá ASNA   stækkar ört á milli ára   Nú voru aðilar frá a.m.k. 11 löndum.

Sífellt fleiri sem nýta sér XML-þjóðskrár þjónustu Ferlis 
Nú eru fjöldamörg fyrirtæki að nýta sér XML-þjóðskrárþjónustu Ferlis, en hún virkar þannig að til okkar er sent XML-skeyti með kennitölu og við svörum til baka með upplýsingum úr þjóðskrá á viðkomandi kennitölu.
Með þessu móti er eingöngu greitt "örlítið" mánaðargjald og svo entergjöld til Hagstofu.
Endilega hafðu samband ef þú vilt vita meira !

September 2005:

Finnsk heimsókn - Renet kennsluhugbúnaðurinn
Hofsstaðaskóli í Garðabæ fékk til sín góða gesti þegar  skólastjóri og kennarar frá Lathi í Finnlandi komu í heimsókn ásamt fulltrúum tölvudeildar borgarinnar og fulltrúum frá Renet, en það er einmitt Renet kennsluhugbúnaður sem er uppsettur í tölvustofum skólanna.
Sett var upp viðbót við Renet kerfið til að nemendur í Hofsstaðaskóla gætu talað við nemendur finnska skólans ásamt því að sjá þá í videomynd á sama tíma. .
Finnski hópurinn heimsótti síðan aðra skóla í Garðabæ og skoðaði  m.a. Bláa lónið, Þingvelli, Gullfoss og Geysi.

Vefkynning 26. september kl. 13-14.
Minnum á vefkynninguna hjá Ferli, en þá mun Tom Huntington frá Help/Systems kynna nýjustu útgáfuna á Robot/SPACE.

Nýjungar og kynning á Robot/SPACE Fjallað um ASP-Monitor, JOB Monitor, Collections Groups CSI-Critical Storage Investigator, Storage Audits og Disk Storage Reporting.

Ný Interform útgáfa
Allir notendur Interform hafa nú fengið sendan geisladisk með nýjustu útgáfunni frá Intermate.
Við vonum að allir drífi sig í að setja upp nýju útgáfuna, því í henni eru einnig uppfærslur fyrir "Graphical Designer".

Ferli ehf átti afmæli þann 9. september.
Allt áfram streymir endalaust.... og Ferli ehf. er orðið 14 ára.
Við tökum alltaf við afmælisóskum á ferli@ferli.is  :-) 

Júlí - ágúst 2005:
Mæðrastyrksnefnd fær Þjóðarsýn
Mæðrastyrksnefnd fékk Þjóðarsýn um daginn.  Bæði ASNA og Ferli ehf. styrktu kaupin á gagnagrunninum og Ferli ehf. gaf Þjóðarsýn kerfið.
Með bestu kveðjum frá Ferli og ASNA.

Apríl - Maí 2005:

Límmiðar beint út frá iSeries með Interform hjá Kassagerðinni 

Við hjá Ferli höfum verið að gera  útprentun á límmiða fyrir Kassagerðina og er prentað beint á sérstaka Zebra-límmiðaprentara frá Gagnastýringu. Með Interform útskriftarkerfinu er mjög öflugur stuðningur við Zebra límmiðaprentara og hægt að prenta lógó, strikamerki og nánast hvað sem er á miðana..   Margar nýjungar eru komnar í nýju Interform útgáfunni og má þar nefna öryggismál með PDF-skjöl, sérstakt geymslukerfi og margt fleira.

Interform er öflugt kerfi ! Hjá Kassagerðinni er Interform að prenta nýtt útlit á iSeries útskriftir  út á venjulega laserprentara, einnig út í PDF-skjöl og nú einnig á límmiða.

Kíktu nánar á Interform

Brimborg með nýjan vef fyrir notaða bíla.
Brimborg breytti öllu vefsvæði sínu nýlega og var þá ákveðið að í hluta notaðra bila myndi Ferli  tengja nýjan vef við gögnin sem eru á iSeries.
Vefurinn var hannaður af Naturalis, en við hjá Ferli sáum um að tengja hann við gögn Brimborgar.
Veflausnin, sem  er unnin  í Strategi frá BusinessLink,  hefur fengið miklar og góðar viðtökur og hafa verið um og yfir 1000 heimsóknir á dag á hann.
Ferli hefur nú umsjón með kerfi notaðra bíla og höfum við skellt nafninu Bílasýn á kerfið. 
 

                                 

Þjóðarsýn á vefnum - tilbúin og farin að keyra hjá Mjólkursamsölunni.
Mjólkursamsalan reið á vaðið og er byrjuð að nota Þjóðarsýn veflausn innandyra hjá sér 
Allir starfsmenn fyrirtækisins geta flett í Þjóðarsýn á netinu og er mikil ánægja með kerfið innandyra hjá MS.
  

Mars 2005:
Ferli var með bás á UT-sýningunni 4. mars.


UT-ráðstefnan 2005  sem er sérstök tölvu- og tækniráðstefna fyrir skóla var haldin að þessu sinni á Hóteli Sögu.
 


Guðrún Björk og Björn kynntu Renet-kennslukerfið fyrir ráðstefnugestum.
Miklar nýjungar eru frá Renet og fer t.d.að koma sérstök útgáfa frá Renet sem er sérstaklega gerð fyrir fjarkennslu yfir internetið.

Mýrdalshreppur er að bætast í hóp notenda Íbúasýnar. 
Nú á næstunni klárast uppsetning Íbúasýnar hjá Mýrdalshreppi og eru þau boðin hjartanlega velkomin í hóp notenda.
Fleiri sveitarfélög eru að skoða einnig þessa dagana.

Ferli ehf. er búið að panta nýja IBM iSeries i5 vél. 
Mun hún leysa af hólmi gömlu AS/400 vélina.
Við bíðum spennt hér hjá því nýja vélin er  víst fimm sinnum hraðvirkari.

Janúar/Febrúar 2005:  
Uppfærsla á þjóðskrárstofni að ljúka hjá öllum 
Nú er búið að uppfæra þjóðskrárstofna hjá all flestum viðskiptavinum okkar og hefur þetta gengið frábærlega vel.

Íbúasýn útgáfa 3 er í vinnslu ! 
Ertu með hugmynd um breytingu ? 
Settu upp smá skeyti og sendu okkur hugmynd að breytingu, það er aldrei að vita nema hún kæmist alla leið inn í næstu útgáfu af Íbúasýn !