Fréttir frá 2006.

Desember 2006: Nýtt þjóðskrárár að hefjast - Allar heildarskrár tilbúnar til dreifingar. Nú eru komnir til okkar nýir stofnar fyrir þjóðskrá og fyrirtækjaskrá og hægt að sækja þá við fyrsta tækifæri. Eins og venjulega gerir skrifstofa Þjóðskrár nýjan heildarstofn þjóðskrár sem er miðaður við 1. desember. Okkur hefur nú borist skráin ásamt nýrri heildarskrá fyrirtækja frá RSK og eru allir heildarstofnar tilbúnir til dreifingar og hægt að nálgast þá.

Eins og allir vita, þá þarf EKKI að endurnýja samningana við Hagstofu vegna þjóðskrár  eða við RSK  vegna fyrirtækjaskrár, heldur gilda þeir áfram milli ára.   Það þýðir að allir sem ætla að halda áfram að sækja skrárnar geta sótt heildarstofnana nú þegar og svo munu Hagstofan og RSK senda út reikninga á næstunni (ef það er ekki þegar búið).

Ferli ehf. varð 15 ára í september á þessu ári og sem fyrr  kappkostum við að veita viðskiptavinum okkar sem allra bestu þjónustu.

Það  er okkur mikið ánægjuefni að tilkynna að í tilefni afmælisins  munu engar verðbreytingar verða á áskriftarverðum okkar fyrir árið 2007.

Utangarðsskrá: Bendum sérstaklega á að okkur berast margar fyrirspurnir um kennitölur erlendra aðila sem vinna hérlendis, en þær kennitölur fara ekki í þjóðskrá, heldur eru í sérstakri skrá – svokallaðri Utangarðsskrá. 
Til að fá aðgang að henni verður að breyta samningi við skrifstofu Þjóðskrár og þá er hægt að fá hana til sín einnig og nú er rétti tíminn til að gera breytingar.

Tvær  leiðir við heildaruppfærsluna: 
Hægt að sækja heildarskrá + breytingaskrár síðan 1.des eða sækja beint stöðuskrána.
Um er að ræða tvær leiðir við uppfærslu heildarstofnsins.
Hægt er að taka heildarskrána sjálfa sem er m.v. 1.des. og eftir það þarf að sækja breytingaskrár ef komnar eru (fyrir daglega og vikulega uppfærslu, en eftir áramótin fyrir mánaðarlegu uppfærslu).
Hins vegar er líka hægt að sækja uppfærðan heildarstofn með ákomnum breytingum og hana köllum við stöðuskrá. 

Dæmi (athugið að í ykkar tilfelli geta síðustu 3 stafirnir í nafninu á skránni verið aðrir, en sama regla á við !):
Ef fyrirtæki tekur skrá sem heitir DAG300E32, þá er um tvennt að velja við áramótauppfærslu:
   - Taka skrána HEI300E32 sem er staðan frá 1.12.
   - Taka því næst BRE300E32 sem í eru allar breytingar frá 1.12.            
EÐA:
   - Taka skrána STA300E32 en í henni er heildarstaðan á hverjum degi fyrir sig með

Ef sótt er með FTP:
Þeir sem sækja skrá sem t.d. heitir DAG300E30 geta þá sótt skrá sem heitir HEI300E30 og BRE300E30 eða STA300E30.  
Reglan er þá að þeir sem sækja skrár sem byrja á  MAN*, VIK* eða DAG*  geta þá sótt samsvarandi skrá sem  byrja á stöfunum HEI*, BRE* eða STA*.    (Einfaldast er kannski að segja að HEI* + BRE* = STA*. )
Best er að skoða FTP-skriftuna sem þið notið til að sjá þetta nánar eða hafa samband við okkur í Ferli.

Ef sótt er með RSF frá iSeries eða System i (AS/400):
Ef Þjóðarsýn er á vélinni er hægt að fara í skipunina NAFNV og þar í lið númer 5 og fæst þá upp valmynd fyrir áramótakeyrslur.  Hægt er að keyra þar liði 1 og 2 og síðan  3, 4 eða 5 eftir því hvaða leið á að fara.
Ef Þjóðarsýn er ekki á vélinni, er hægt að fara í RSF kerfið og skoða Catalog skrána fyrir Ferli, þá sést að hægt er að sækja skrá sem byrjar á HEI*, STA* eða BRE*  og inniheldur hún viðkomandi heildarstofn.
Við aðstoðum einnig iSeries notendur ef þess er óskað og uppfærum RSF og DataGate ásamt því að uppfæra þjóðskrárkerfið Þjóðarsýn.

Til notenda Íbúasýnar
Nú er að verða tilbúin útgáfa 3.0 af Íbúasýn og vonum við að hægt verði samhliða áramótauppfærslu þjóðskrár að setja inn nýja útgáfu af Íbúasýn í leiðinni. Endilega verið í sambandi við okkur áður en farið er í uppfærsluna.

Ef einhverjar spurningar eru, þá ekki hika við að hafa samband við okkur.

Við vorum svo heppin á fá Rick Farina til landsins og kenndi hann okkur ASNA Visual RPG.net dagana 4. - 6. desember. Rick er einn af þeim allra bestu í faginu og frábær kennari að auki..  Hann ferðast um öll Bandaríkin til að kenna og ráðgefa fyrir ASNA og  vorum við svo heppin að fá hann til að koma til landsins. Rick kenndi okkur hvernig á að gera veflausnir og Windowsforrit í Visual Studio 2005 með Visual RPG.net,  ásamt því að nálgast gögn á iSeries eða SQL-server með DataGate. Mikill áhugi var á því sem hægt var að gera með AVR.net og var farið í vefsíðugerð þar sem talað var við gögnin frá iSeries. Einnig voru gerðar vefþjónustur og sýndi Rick hvernig nýta átti vefþjónustur annarra í AVR.net. Allt þetta var svo spennandi að enginn vildi fara þegar tíminn var búinn og Rick hélt þá bara áfram í einn og hálfan tíma í viðbót og sýndi fleiri möguleika. Engin spurning að þetta kveikti verulega í öllum forriturunum	Rick að herma eftir vefnum
Klúbbfundur i-klúbbsins  5. desember. Á þriðjudeginum þann 5. desember komu um 30 aðilar á klúbbfund i-klúbbsins hjá Ferli, en þar voru kynntar ýmsar nýjungar ásamt því að Rick Farina hélt frábæra kynningu og sýndi hvað hægt er að gera með Visual RPG.net, DataGate og Monarch frá ASNA. Við hjá Ferli notuðum tækifærið og héldum upp á 15 ára afmælið með afmælistertum og léttum veitingum. Í lok fundarins var haldinn aðalfundur i-klúbbsins þar sem ný stjórn var klöppuð inn í embætti.	Um 30 gestir komu á fundinn
Monarch, AVR.net og mikill áhugi !

Nóvember 2006:
Nýtt frá Intermate - InterExcel400

Viltu flytja venjulega prentlista beint í nýtt útlit í Excel ?
Þessi mynd segir meira en þúsund orð.

Með InterExcel400 er hægt að taka alla prentlista frá System i og færa yfir í Excel form.
Kerfið er alveg frábært og alveg þess virði að kíkja nánar hér.
 

Október 2006:
Forritaðar lausnir fyrir Strategi og Interform og Visual RPG.
Núna í október höfum við verið á kafi í forritun !
Búið er að gera lausnir sem tengja saman Interform, Strategi ásamt tölvupóstsendingum beint frá iSeries-vélinni.
Strategi-veflausn er að fara í loftið og verður tilkynnt um hana síðar.

Verksýn verður sífellt umsvifameiri hjá Orkuveitunni.
Verksýn er í fullum gangi hjá Orkuveitunni og er sífellt að verða umsvifameiri þar.
Verksýn er nú farin að tala við fjöldamarga gagnagrunna, auðvitað iSeries og einnig Oracle svo dæmi séu tekin.
Allt í Verksýn er forrtiað í Visual RPG.
Allar nánari upplýsingar fást hjá Ferli.
 

September 2006:
Ferli ehf. varð  15 ára þann 9. september.

Sendum bestu afmæliskveðjur til viðskiptavina okkar !            Nú þann 9. september varð  Ferli ehf. 15 ára ! Síðan við stofnuðum fyrirtækið 9. september 1991 hefur  okkur vaxið fiskur um hrygg og á hverju einasta ári frá stofnun fyrirtækisins hefur velta og umfang og fjöldi viðskiptavina aukist. Umboð fyrir frábærar lausnir! Nánast frá upphafi hefur Ferli ehf. verið umboðsaðili fyrir frábærar lausnir fyrir IBM iSeries vélar og má þar nefna lausnir frá fyrirtækjum eins og ASNA, Advanced BusinessLink, Help/Systems og SOSY, Intermate, BugBusters, Maximum Availability og fleirum. Við erum miðlarar fyrir þjóðskrá, fyrirtækjaskrá, horfinnaskrá og utangarðsskrá. Ferli ehf hefur dreift skrám frá Hagstofu og RSK síðustu 14 árin og höfum við kappkostað að veita þá allra bestu þjónustu sem mögulegt er. Nýja IBM i5 vélin okkar  er þar í aðalhlutverki varðandi dreifinguna sjálfa og er afskaplega snögg með öll verk. Nýjungarnar í dreifingunni sem kynntar voru í byrjun ársins hafa heldur betur slegið í gegn. Búið að þróa marga pakka ! Hver hefur ekki heyrt um Þjóðarsýn, Verksýn, Íbúasýn eða Þjóðskrárfjöltengið ??? Kerfin frá okkur í Ferli eru í notkun hjá fjölda fyrirtækja og má t.d. nefna að Íbúasýn er í notkun hjá 20 sveitarfélögum. Windowskerfin frá okkur keyra á móti DataGate fyrir iSeries eða fyrir Windows server eða í SQL-server. Ef þú þekkir ekki lausnirnar okkar - láttu þá í þér heyra og við fræðum þig ! Við hjá Ferli ehf. þökkum viðskiptavinum okkar samstarfið síðustu 15 árin og erum full tilhlökkunar fyrir næstu 15 ! Bestu kveðjur, Björn, Valdimar og Guðrún Björk.

Verðbréfaskráning tekur Robot í sína þjónustu
Verðbréfaskráning Íslands hefur tekið í notkun Robot/SCHEDULE hugbúnað frá Help/Systems og bráðum verða gangsett kerfin Robot/CONSOLE, Robot/ALERT og Robot/SAVE.
Öll kerfin mynda ákveðna heild og eykst sjálfvirkni til muna í rekstri vélarinnar hjá VBSÍ .
Sjá nánar um Robot-kerfin hér.

Nýja útgáfa Íbúasýnar í vinnslu.
 Íbúasýn er sífellt í þróun og nýjasta útgáfa hverju sinni alltaf til á Download-síðunni.
Nú er hins vegar að koma mynd á fullnaðarútgáfu af  Íbúasýn 3.0.
Nokkrar góðar viðbætur eru þegar komnar í nýju útgáfuna og vonumst við til að fullklára verkið á næstunni.
 

Maí 2006:
SOSY í heimsókn og haldnar Robot-kynningar

Klúbbfundur í leiðinni. Eftir kynninguna var haldinn klúbbfundur og farið nánar í Robot-málin. Helle Mering sagði okkur frá kostum  Robot-kerfanna og sýndi  nýjustu útgáfuna af Robot/SPACE. Að auki voru kynnt kerfin GiAPA og TurnOver, en þessi kerfi nýtast tölvudeildum sérstaklega vel við hugbúnaðarvinnu á iSeries og i5 vélum.

Heimsókn frá Danmörku. Hingað kom allt starfsfólkið frá SOSY  í sérstaka vinnuferð og var fundað með okkur í Ferli ásamt því að skoða Ísland í leiðinni. Haldin var kynning var fyrir notendur Robot-hugbúnaðar sem og aðra áhugasama.  Margar nýjungar voru kynntar  í Robot/SCHEDULE,  Robot/REPLAY, Robot/CONSOLE, Robot/ALERT, Robot/SPACE og sýnt hvernig þessi kerfi tvinnast saman í eina heild.  Frá SOSY kynntu Helle Mering  forstjóri SOSY og Niels Fröding, sérfræðingur í Robot-hugbúnaði.                               Starfsfólk frá SOSY í heimsókn hjá Ferli ehf. Við þökkum þeim sem komu á kynningarnar hjá okkur  bjóðum öllum Robot-notendum sem og öðrum áhugasömum að kíkja til okkar í Hlíðasmára 8 og sjá öll kerfin keyra á vél Ferlis.

Renet-kynning fyrir kennara Hofsstaðaskóla

Björn og Guðrún frá Ferli að kynna Renet

Allir kennarar í Hofsstaðaskóla á kynningu. Renet kennslukerfið var kynnt nánar í Hofsstaðaskóla fyrir öllum kennurum skólans. Farið var yfir allar nýjungar og prófað fram og til baka. Sýnt var hvernig hægt er að stýra kennslustofunni með kerfinu og hvernig kennarinn fær algjört vald yfir tölvum stofunnar.  Það þýðir að nemendur geta eingöngu gert það sem kennarinn segir þeim að gera.   Önnur kynning var svo haldin kynning fyrir fulltrúa hinna skólanna í Garðabæ og kokmu fulltrúar frá Garðaskóla, Flataskóla og Sjálandsskóla.  Við þökkum fyrir okkur og nú bíðum við spennt eftir að sjá hvort notendum Renet fjölgi í Garðabænum !

Mars og apríl 2006:
Fjarðabyggð og Grundarfjarðarbær bætast í hóp notenda Íbúasýnar.
Nú er búið að setja inn Íbúasýn hjá Fjarðabyggð og hjá Grundarfjarðarbæ og sífellt fjölgar sveitarfélögunum sem nota kerfin.

Smith og Norland bætast í hóp notenda Interform útskriftarkerfisins.
Interform er komið upp hjá Smith og Norland og með kerfinu munu margir útskriftarlistar fá nýtt útlit.
Við bjóðum þessi fyrirtæki velkomin í hópinn !

Febrúar 2006:

Flestir búnir að sækja uppfærslur á þjóðskrá og fyrirtækjaskrá.
Við hvetjum hina sem eftir eiga að uppfæra að vera í sambandi við okkur og nálgast heildarskrárnar.
Minnum á nýjungarnar í dreifingunni. - Sjá janúarfrétt hér neðar.

Kynning var á nýjungum í Robot hugbúnaði frá SOSY og Help/Systems
Fimmtudaginn 9. febrúar var  sérstök kynning Robot/UPDATE frá SOSY og Help/Systems á nýjungum fyrir Robot hugbúnað.
Sérstaklega er fjallað um Robot/SCHEDULE og önnur kerfi úr Robot-fjölskyldunni.
Tom Huntington sem er hjá Help/Systems  í Minneapolis í Bandaríkjunum og Helle Mering sem er hjá SOSY í Danmörku stýrðu kynningunni og ásamt þeim tóku þátt fjöldamargir notendur og umboðsaðilar í nokkrum löndum.
 

Janúar 2006:
Breyting á IP-tölu aðalvélar Ferlis fimmtudaginn 26. janúar.
Allir sem sækja þjóðskrá, fyrirtækjaskrá o.fl. þurfa að breyta.
vegna breytinga hjá okkar Internet-tengiaðila, þá þarf að breyta IP-tölunni á vélinni sem sér um dreifinguna á þjóðskrá, fyrirtækjaskrá og tengdum skrám hjá okkur í Ferli.

Gamla IP-talan var 212.30.219.47.
Nýja IP-talan verður 82.221.24.30 og á hún að geta gefið okkur öflugri tengimöguleika ásamt möguleikum á 
öðrum tengileiðum ef einhver Internet-tengiaðili verður sambandslaus. 
Þ.e. þessi nýja tala er "rútanleg" í gegnum svokallaðan RIX en hann m.a. hengir saman internet tengingaraðila. 

Ef teknar eru skrár frá okkur með FTP:
Ef þið notið skriftur frá okkur, þá þarf að breyta þeim og setja inn nýju IP-töluna í OPEN skipuninni.
gamla línan: open 212.30.219.47 verður: open 82.221.24.30
Ef þið eruð að nota hugbúnað frá Ferli, þá eru skrifturnar oftast geymt undir C:\Program files\Ferli\Tjodarsyn keyrslur á viðkomandi vél.
Einfaldast er að sjá þetta í Scheduler en þar er verið að keyra bat-skrá sem er í sömu möppu og ftp-skriftan.

Ef teknar eru skrár frá okkur með RSF á iSeries.
Fara í GO RSF/RSF og þar í lið númer 1.
Setja 2 fyrir framan Ferli og breyta þar yfir í nýju IP-töluna.

Endilega hringið ef eitthvað vantar nánar.  Síminn er 544-5888.

Nýtt þjóðskrárár er hafið, allir sem fá þjóðskrá og fyrirtækjaskrá þurfa nýja heildarstofna.

Nú erum við að dreifa nýjum heildarstofni þjóðskrár, fyrirtækjaskrár ásamt horfinnaskrá, utangarðsskrá einstaklinga og utangarðsskrá fyrirtækja.
Mjög margir hafa nú þegar sótt stofana sína og hvetjum við hina til að kíkja á málið sem fyrst.

Endilega hafið samband ef við hjá Ferli getum aðstoðað ykkur við uppfærsluna.

 Ýmsar leiðir varðandi skrárnar.
Allt er til reiðu og hægt er að sækja stofnana strax í dag með FTP eða RSF (fyrir iSeries/i5).
Auðvitað er einnig hægt að fá sendan geisladisk með heildarstofninum og biðjum við ykkur þá að hringja eða senda tölvupóst til að panta hann.
Fyrir utan allar reglulegar skrár sem hægt er að sækja, þá eru ýmsar NÝJUNGAR í dreifingunni frá Ferli fyrir uppfærslu heildarstofnanna:
Nú bjóðum við upp á að sækja eftirfarandi skrár fyrir þá sem eru að taka uppfærslur frá okkur:

•  Hægt er að sækja heildarstofnana frá 1.12. sérstaklega.
      Þessar skrár byrja allar á nafninu HEI*

•   Hægt er að taka uppsafnaðar breytingar frá 1.12. í einni skrá.
     Þessar skrár byrja allar á nafninu BRE*

• Hægt er að taka sérstaka stöðuskrá sem er í raun ný heildarskrá á hverjum degi. 
     Þessar skrár byrja allar á nafninu STA*

Dæmi:
Ef fyrirtæki tekur skrá sem heitir DAG300E32, þá er um tvennt að velja við áramótauppfærslu:

Taka skrána HEI300E32 sem er staðan frá 1.12.
Taka því næst BRE300E32 sem í eru allar breytingar frá 1.12. 
EÐA:
Taka skrána STA300E32 en í henni er heildarstaðan á hverjum degi fyrir sig með

Alltaf hægt að sækja stöðuskrá eða uppsöfnuðu breytingaskrána:
Eftir að þið hafið sótt heildarskrárnar skv. ofangreindu, þá verður áfram hægt að sækjar stöðuskrár eða uppsöfnuðu breytingaskrána hvenær sem er, en þá munum við innheimta fyrir hvert skipti sem þær tvær skrár eru sóttar frá okkur og sjáum við það úr log-skránum hvenær þær eru sóttar hverju sinni.

Ef sótt er með FTP:
Þeir sem sækja t.d. skrá sem heitir DAG300E30 geta sem sagt sótt skrá sem heitir HEI300E30 og BRE300E30 eða STA300E30.

Reglan er þá að þeir sem sækja skrár sem byrja á MAN*, VIK* eða DAG* geta þá sótt samsvarandi skrá sem heitir HEI*, BRE* eða STA*.    Best er að skoða FTP-skriftuna sem þið notið til að sjá þetta nánar.

Breytingar í fyrirtækjaskrá - Færslubreyting
Þau fyrirtæki sem sækja fyrirtækjafærslur, athugið sérstaklega að nú er breyting á færslulýsingu.
Nýtt tveggja stafa svæði kemur inn í staðsetningu 171-172 sem er tveggja stafa rekstarformkódi fyrirtækis.

Fyrirtækjafærsla 300 stafir  - breytt útlit.
1 2 Einkenni FF
3 10 Ónotað
11 20 Kennitala
21 24 Sveitarfélag
25 27 Póstnúmer
28 28 Gamla rekstarform
29 32 Sveitarfélag starfsstaðar
33 63 Röðunarsvæði nafns
64 94 Nafn
95 125 Autt
126 146 Heimili
147 156 Kennitala stjórnarformanns
157 161 Pósthólf
162 164 Póstnúmer pósthólfs
165 170 Dagsetning síðustu breytingar
171 172 Nýtt tveggja stafa rekstarform **NÝTT
173 175 Autt
176 180 VSK-númer
181 184 Sveitarfélag lögheimilis
185 192 Nýskráning
193 208 Starfsemi
209 216 Autt
217 226 Kennitala viðtakanda/berist til
227 257 Nafn - berist til
258 260 Autt
261 265 ISAT-kódi
266 273 Autt
274 274 E=Af skrá
275 278 Afdrif
279 286 Dagsetning afdrifa
287 291 Autt
292 292 Bannkódi
293 300 Autt

Nýja rekstarformið hefur eftirfarandi gildi:
Rekstarform Skýring 
A1 Einstaklingur í atvinnurekstri 
A2 Dánarbú einstaklings 
A3 Þrotabú einstaklings 
A4 Þrotabú fyrirtækja - BARA FYRIR VSK 
AX Einstaklingsfyrirtæki með kennitölu (skráð fyrir 1
B1 Sameignarfélag almennt (sf) 
B2 Sameignarfélag opinberir aðilar 
BX Önnur sameignarfélög (óskilgreind) 
C1 Samlagsfélag, almennt (slf) 
C2 Byggðasamlag (bs) 
CX Önnur samlagsfélög (óskilgreind) 
D1 Hlutafélag, almennt (hf) 
D2 Hlutafélag - Alþjóðlegt viðskiptafélag (hf a.v.) 
D3 Evrópufélag SE/hf 
DX Útibú/deild hlutafélags 
E1 Einkahlutafélag (ehf) 
E2 Einkahlutafélag (ehf) - Alþjóðlegt viðskiptafélag 
EX Útibú/deild einkahlutafélags 
F1 Samlagshlutafélag 
G1 Samvinnufélag (svf) 
G2 Húsnæðissamvinnufélag 
H1 Sjálfseignarstofnun sem stundar atvinnurekstur (se
H2 Sjálfseignarstofnun með staðfesta skipulagsskr. í 
HX Aðrar sjálfseignarstofnanir - útibú/deild 
K1 Ríkisstofnun 
K2 Stofnun sveitarfélags 
K3 Fyrirtæki í eigu ríkis og sveitarfélags 
K4 Opinber aðili 
K5 Stofnun/fyrirtæki í eigu erlends ríkis 
KX Útibú ríkisstofnunar/sveitarfélags 
L1 Sparisjóður 
LX Útibú sparisjóðs 
M1 Lífeyrissjóður 
N1 Félagasamtök 
N2 Áhugamannafélag 
NX Önnur félagasamtök/áhugamannafélög 
P1 Húsfélag 
P2 Félagsbú 
P3 Veiðifélag 
R1 Útibú erlends félags 
R2 Erlent félag með tímabundna starfsemi á Íslandi
RX Önnur erlend félög 
Z1 Erlent félag/fyrirtæki, v/bankaviðskipta 
Z2 Sjóður/deild innan fjármálafyrirtækis 
ZX Önnur félög utan aðalskrár

Ferli ehf. 15 ára á þessu ári - í september.
Já geri aðrir betur ! 
Hver hefði trúað því að nú væru 15 ár síðan Ferli ehf. var stofnað.
Nánar auglýst síðar.